مشاهد هزليه من حياة إيمان و سمير

مشاهد هزليه من حياة سمير و إيمان

المشهد الأول: بتعمل ايه يا بيبي؟

 قد تبدو الأمور في اولها باهره و ممتعه...بل و قد تبدو تلك المتعه لانهائيه  و مشتهاه للأبد، إلى أن تتحول للعاده..مازالت ممتعه لكنها عاده لسد احتياج..

الزوجه أ (أ) و الزوج (ٍس)

يعود (س) من العمل يوميا في وقت مـتاخر منهك من التعب و عادة يقرأ رسائله  و ما بقى له من وسائل الترفيه لاجتماعي من خلال هاتفه الخلوي.

و ها هو (س) كالعاده منهمكا أمام شاشة الهاتف متمددا فوق سريره ، تقترب منه الزوجه:

ا: بتعمل ايه يا بيبي؟

س: ... و لا حاجه

أ: يعني مش شغل؟

س:... لا بلعب عالتليفون

ا: لعبه جديده؟

س: لا مش لعبه بلعب ب scroll…

بشوف الناس بتكتب ايه  و جيلي msg lمهمه...نامي أنتي شكلك تعبان

أ: لا انا مش تعبانه خالص....حتى انهارده مكنشي في ضغط شغل و مشيت بدري

س: طاب كويس

أ (بدلال) : بقالنا كتير موش قعدنا مع بعض

س: معلشي دقيقه أخلص الفي ايدي

أ : (مهمله كلامه) مش ملاحظ حاجه جديده طا في شكلي؟

س: ثواني بس يا ماما أشوف الكارثه دي

أ: كارثه ايه وريني ( تحشر مناخيرها في التليفون) ايه ده؟ مين البعتالك الكلام ده؟ (حكايه حصلتلك فبل الجواز) ؟ قصه دي؟

س: ثواني و هقلك

ا ( بغضب) لا أفهم انت بتكلم بنات كنت تعرفهم قبل ما نتجوز؟ مين البعتالك كلام بتستعيد في ذكرياتها معاك دي؟؟؟

س: لا و الله ...ده حتى صحابي قطعت معاهم اديني ثواني.....

أ (خاطفه للهاتف في لحظه و عندما تبدأ في القراءه تصيح ) يا نهاااار اسود يا بيبي.....ايه الكلام ده؟؟؟؟؟؟؟؟؟؟؟؟؟؟

 (ستاره سوداء )

(مشهد دموي ليس لمرهفي الشعور)

المشهد الثاتي: المكالمه:

ليست العاده بالشيء المقيت، لكن ما هو مقيت بالفعل هو تحول تلك العاده لملل و رتابة ...حتى الوجوه تصبح رتيبه.

و مع ذلك ليس كل تغير محمود، بل قد يكون هناك تغير أشد مقتا من العاده

(ا) بعد أن زاد وزنها ثلاون كيلوجراما

(س) مازل يعود يوميا من العمل في حالة انهاك كبير بسبب زيادة اعباء مسئولياته الاسريه بعد ولادة طفله

 (أ): الو ..محل.......... ستور

(أأ): أيوه يا افندم أأمري

(أ): أنا شوفت عالفيسبوك مجموعة لانجيري ظريفه عايزه أعرف الأسعار و لو في مقاس double x

(أأ): موجود يا أفندم...ممكن حضرتك تقوليلي رقم الحاجه الحضرتك أخترتيها...و متشرفتش باسم حضرتك؟

(أ): اه معاكي مدام (أ)...كنت عايزه رقم 77 و رقم 104 s

(أأ) : تمام يا افندم ....نسيت اقول لحضرعندنا عروض خودديات بطبع عليها اسامي...اسم جوز حضرتك ايه؟

(أ): فكره برضو  يمكن يرضا عني .. اسمه (س)

(أأ) : معقوله الصوت الحلو ده ميبقاش زي القمر

(أ)(بتضحك): ميرسي حبيبتي...قوليله

(أأ) عموما بس استأذنك أوضحلك معلومه...من خلال دراستي الشخصيه لعلم الأسماء و الطاقه التفاعليه لاحظت أن اسم جوز  حضرتك يتفاعل أكتر مع اللون baby blue……

مش الأحمر الحضرتك طلباه..

(أ): بجد؟

(أأ): و لو تسمحيلي كمان أوضح لحضرتك أن من خلال نفس الدراسة تبين أن الأشخاص الاول حرف من اسمهم سين بيرتاحوا أكتر مع الشكل الفي موجة حرف السين و بيحسسهم بالألفه...حضرتك ممكن تبصي على رقم 88 انا شاريه منه أتنين بلون مختلف..

(أ)استني اشوف...لا ميعجبوش ده

(أأ) صدقيني حضرتك جربي البقلك عليه و لو منفعشي اوعدك هبعتلك طلبك هديه مجانيه...اه و نسيت اقول لحضرتك برضو من خلال دراسه تكعيبيه أوضحت أن طالما مهنة  جوزجضرتك في مجال (م) فأكيد هتعجبوه كمان الحجات الدائريه او البيضاويه....فممكن حضرتك تاخدي حاجه فيها قتحه دايره صغننه و....

(أ)(بنبره غاضبه) أنا مش قلتلك مهنة جوزي عرفتي منين؟

(أأ) (مضطربه) أه يا أفندم ...ده تخمين صائب من خلال دراستي لعلم الفلك و تداخله مع الأسماء توضح أن معظم البيحملوا الأسم ده بيشتغلوا في إحدى المهن الاتيه: ميم أو...

(أأ)(غاضبه): ما تيجي تدرسي جوزي أحسن! هتشوفيلي أم الطلب ألاولاني و لا أقفل و أشوف غيرك...

(أأ) : سوري يا افندم لو اتدخلت...عنيه هشوفلك الطلب الأولاني...طاب استأذنك بلاش مكياج بس عشان الأشخاص الزي جوز حضرتك بيحبوا الشكل الطبيعي مع الشعر المموج و ميحبوش الالوان الصارخه

(أ): أنتي مين؟ و عرفتي ده ازاي؟

(أأ) : من خلال دراسه...

(أأ): بقلك اييييييييييه؟؟؟؟

(أأ): سوري يا افندم...أممم... الصراحه...جوز حضرتك الاستاذ (س م) كنا أنا و هو متجوزين عرفي  من سنتين و سبحان الله صدفه أن حضرتك تكلميني ...و الله أحنه مش بنتكلم خالص من ساعة الانفصال، و لو مش هيضايقك أحب أستغل الفرصه دي و أساعد...

(ستاره سوداء)

( كلام قبيح جدا ليس لمرهفي الشعور)

المشهد الثالث: اليوم الأول:

 قد يصبح التغير غير المستحب شيء مألوف للحواس و من ثم يتم تقبله كواقع لا مفر منه  و من ثم تصبح الأيام كلها متشابهه حتى يأتي يوم ما غير متشابه ليصبح اليوم الأول لأضافه حياتيه جديده ، إلى أن تصبح تلك الاضافة عادة أيضا...

اليوم هو أول يوم للطفل ساهر في المدرسه....أصعب يوم في حياة الطفل الأول

س: يلا حبيبي عشان انهارده هنروح المدرسه أنا و أنت و ماما

ساهر (متذمرا) مس عاياااز ارووح...

س: ليه يا حبيبي...ما أحنه بقالنا نص ساعه أهوه بنتفق من ساعة ما ماما ابتديت تلبس

ساهر: عاااايز العب عالموبايل و بلعبي و ماما قلتلي مث ينفع اخدهم المدرثه

س: معلشي يا ساهر...المدرسه غير البيت و احنه اتفقنا هنعمل ايه هناك

ساهر: هيخلوني الون؟

س: طبعاااااااا.... تعاله احكيلك انا كنت بعمل ايه في المدرسه لحد ما ماما تخلص

بعد 57 دقيقه....

(أ‌)      : أنا جاهزه يلا بينا عشان منتأخرشي....

(في المدرسه)

س: شوفت المدرسه كبيره ازاي...

ساهر: بث دي تخوف و في طنت هناك بتزعق

س:  (بنبره حزينه) معشلي حبيبي...لمه تكبر انشاء الله حاول بس مش تأنبني اني دخلتك المدرسه يمكن لمه تقرا فصل (التعلم ) في الكتاب بتااااعي...

(أ): تااااااااااااااااااني؟ مش قلنا شوية طاقه ايجابيه و بطل النبره دي....ده غير أن الولد صغير و مش فاهم حاااجه

(س): خلاص يا ابله خلاص....

(ا) : استنه اشوف...كانوا بعتنلي ساهوووورتي في انهي فصل ( تنظر لهاتفها) اهووووه فصل KG1 B

(س) : يلا بينا و بالمره نشوف مين هيدرسلوه..

(في الفصل...تقف مدرسة صغيرة السن ، ذات شعر اسود غزير مموج ، ممسكة بقائمة بأسماء الأطفال)

المدرسه: صباح الخير يا أفندم....أسم الأمور ايه؟

(أ‌)      : ساهر (س) (م م)

المدرسه: مظبوط يا افندم اسمه في ال class list

يلا يا ساهر يا حبيبي نلبس ال name tag ده

ساهر (متذمرا): لا مس عايييييييييييز ..بابا قالي المدرسه وحسه

 (تتوجه المدرسه للاب بابسامه عريضه)

                               هو ده بابا حبيبي؟

 (ٍس) (مذعورا): انا أعرف حضرتك صح؟

المدرسه:: مظنش يا أفندم أني شوفت حضرتك قبل كده....ساهر ليه اخوات كبار في المدرسه؟

(ٍس) : لا بس أنا عارفك

(أ)في ايييه؟

(س) : لا و لا حاجه...يلا يا ساهر حبيبي...

يتم جذب ساهر للداخل باكيا

(في طريق العوده)

(أ): أيه حكاية المدرسه المزه دي؟

(س): مدرسة ايه ؟

(أ:) الحضرتك عمال تعاكسلي فيها و تشبه عليها لولا اني وقفتك...

(س) (مقاطعا) : وقفتي مين معلشي يا ابله.؟ انا ( س م) انتي مش متجوزه واحد لمؤخزه عشان تقولي كده

(أ) (بنبره غنائيه): بتغير الموضوووع يا بيبي... و بعدين دي كانت لبسه دبللله

(س) : تاني كلمة يا بيبي دي ؟ انتي عارفه اني مبحبهاش بتفكرني بالباب؟ باب ايه؟ ..... صحيح هي الدبله كانت في الشمال و لا اليمين؟

(أ): ما تيجي نسألها على لون الbra احسن؟؟؟؟؟؟؟؟ فارقه معاك ؟

(س) : و تفرق معايه ليه؟

(ا): عشان كنت مصاحبها زمان صح؟

(س) : أي حاجه زمان انسيها حبيبتي و بعدين انا غيرت حياتي كلها لمه اتجوزنا

(أ): (بنببره سريعه جدا)ايه نبرة الحنيه دي؟ و بعدين كلامك ده اعتراف غير مباشر انك كنت تعرفها صح...هه هه؟

و بعدين على فكره دي مديرة المدرسه مش الميس بتاعت ساهر و من حسن حظي أنها بره مكتبها أنهارده...يعني من الاخر أي  parents meeting  أو اي حاجه ليها علاقه بالمدرسه أنا الهحضرها..تمممام؟

(س): بتزعقي ليه؟ هو انا مش ابوه و انا البدفع المصاريف و الولد متأثر بيه و مرتبط بيه جدا...و بعدين أنا مش فاهم تعاملك معايه قدام الناس عامل كده ليه؟ هو انتي متجوزه واحد لمؤخزه ماشي ب.... ب... بلبانه؟

(أ‌)      : ما تيجي تضربني المين احسن قدام الناس في الشارع...

(ٍس) ( ساخرا): هو صحيح ال bra  كان لونه ايه؟

(انفجار حاد في وسط المدينه)

 (ستار زرقاء)