Skip to main content

مزيكا و لا موسيقى؟





لمه تيجي تسمع أغنيه قديمه مش غالبا بتفكرك بحاجه؟
حتى لو الأغنيه دي أجنبي؟
أنا هتمكلم عن السمع شويه....
زمان في فتره ما من تسعينات القرن ده ابتدي بعض المراهقين ينفروه من المزيكا- بلغة الناس العميقه – أو الموسيقى العربي و يسمعوا أجنبي، بدون الخوض في تفاصيل أنواع المزيكا و ردائة الكتير منها ، ايه سبب الاتجاه ده؟
روشنه( بلغة الزمن ده) او عقدة خواجه ( بلغة أكثر نضوجا) أو و لا ده و لا ده و ممكن ناس تانيه اتعملت تعليم اجنبي.
لو أضفت العوامل الفاتت لعامل كمان مهم ممكن الصوره تكمل أكتر، العامل ده هو الرداءه و التقليد...
ازي؟
اتجاه التقليد موجود في كل الثقافات بس في ثقافات معينه للاسف بتتنفس تقليد، من رأيي المتواضع أحنه جزء كبير من الثقافات دي.
أيه الحصل؟
الحصل أننا بنقلد من يوم ما عرفنا يعني ايه مزيكا، بنقلد في المقامات في الالحان في كل حاجه يمكن حتى في المحتوى،تقليد مصاحب ليه اللمسه المصري، بس طبعا عشان الناس قعدت فتره طويله محلتهاش غير الراديو فمكنتشي عارفه حاجه غير أنهم بيقعدوا يستمتعوا بالست بتعيد و تزيد  لحد ما ضيعوا عدد ساعات لا يستهان به في الاجواء دي..
و نفس القاعده تنطبق على اغاني كتير و مغنيين كتير من الجيل ده..على سبيل المثال لا الحصر العندليب..
الراجل ابتدى بشوية اغاني بتاعت عبد الوهاب ( الهو حرامي الحان اجنبي درجه اولى) في الخمسينات،  اياميها ممكن تكون اغاني ظريفه و جديده و قصيره إلى حد ما بالمقارنه لاغاني الست المسهره نص الشعب..
و مع ظهور ملحنين و كتاب عاطفيين بزياده شويتين في فترة الستينات- على سبيل المثال لا الحصر كامل الشناو-، الميعرفوش، هو  كان كبير و ضخم و حبيب اوي عكس مظهره تماما، و كان بيحب نجاة الصغيره من طرف واحد و كان خياله واسع حبتين ق، في يوم شافها مع كاتب كبير انهار و كتب القصيده دي و من الغرابه أن هي الغنتها!..المهم اياميها لو بصينا للعندليب و نجاة هنلاقي النواح هو الغالب ، تحس ان مفيش غير النواح...

خلصنا نواح، نخش على فترة السبعينات ، عصر الانفتاح ، و اياميها الانفتاح كان خليجي حبتين، العايز ينجح كان يدخل جيتار و خليط الحان شرقي على غربي و شوية رق و طبله زايدين و حفلات ربيع و خريف مبتخلضشي- الست لعلعت- و طاقه كبيره من المبالغه و الاسفاف...
و بعدين بدأنا الروشنه من التمانينات لحد التسعينات مرورا بموضة الاسباني و الايطالي و الالحان الاتيني المتقلده بحاذفيرها (راجع اليسا في أغنية بدي ادوب) و كلهم يجتمعوا في صفه واحده ، الموضه لاتيني يبقى كلللللللللللللللله لاتيني ..الموضه نواح يبقى كلللللللللله نواح...لحد ما وصلنا للمهرجنات المخلوطه بحجات غريبه على هيب هوب عجيب...
عشان كده في ناس كتير بتسمع الاجنبي مش روشنه بس ، و إنما بحثا عن شوية تنويع و اختلاف ...



Comments

Post a Comment

Popular posts from this blog

Book Preview : Moses and Monotheism 1939

  The English Translation done by: Katherine Jones. In a clear well established English Translation, shocking truth, or some historical premises are to be established.   The first part of the book answers the question of the origins of Moses, whether he was an Egyptian or not? How?, accompanied with some proves from the old Egyptian language.   Moving on to the second part, comes the question of whether the previously proven fact has to do anything with the Egyptian king Ikhnaton . What is the relation between Moses and the later king? This is what Freud tried to answer. Then smoothly he draws a conclusion, that if Moses was an Egyptian he must have transmitted his religion to the Jews, which was the religion of Aton. Undeniably a comparison here had to be established first to prove the previous conclusion, which is a comparison between the Jewish religion and the religion of Aton. This comparison draws the attention of one of the oldest Egyptian customs, ci...
Post a Comment
Read more

The story of Phones and Potatoes Part I (Based on true events)

  Phones and Potatoes is the name of a company, that is supposedly getting agents to call people on behalf of other real estate companies. But this is not what is our story about! Neither it is about the VIP Ms. (M) the big big brain and the founder of the project in Egypt, this is only the professional side of the story! Nor it is about the lesbo manager AKA trainer and her wife and their perfect relationship, this is just the romantic part of our story, but not mainly what is our story about! It’s just a story about some people who were looking for a job! Three and a half completely different people, the first is an obscure male, the second and the third are normal people seeking a job….and if you are wondering about the half, it was represented by a photo of a nice girl but we are not sure if she really existed or not!   A quick hint on our company: The name phones and potatoes is derived from the funny thought of someone funny who found it funny to give i...
Post a Comment
Read more

عمارة الزغاريط (تشمل جميع أنواع الزغاريط في العالم العربي)

  لا مش عمارة العفاريت بتعات رشدي (يارييييييييت).. أسمها عمارة الزغاريط جمع زغروطة... و زغروطة أو زغرودة تعني لغويا صوت يصدره النساء في الأفراح و معناه عمليا و عند التطبيق صرير مزعج يصدر عن النساء أثناء نفس المناسبة. عودة للعمارة محل البحث... تقع عمارة الزغاريط في قلب حي راق- افتراضيا بالقاهرة الواسعة... و تحديدا في شارع مزدوج الاتجاهات متعدد المكنات (موتسيكلات) من المفترض أنه شارع جانبي هادىء تنتصف عمارة الزغاريط مبنيان صغيران هادئان و تظهر في المنتصف كالشملول الشاب حديث العهد بالدنيا.. يبلغ ارتفاعها 8 ادوار...بس الحج صاحب البيييييت خلاها 10 عشان الحسد. ما يميز عمارة الزغاريط هو تعدد الثقافات ..فتلتتقي فيها جنسيات متعددة و مختلفة و تتغير شهريا عشان منزهقش... و نظرا لموقعها الغير استراتيجي فإن لللعمارة دور تجاري و ترفيهي بحت لسكان المنطقة و المناطق المجاورة و غير المجاورة... فعلى سبيل المثال و ليس الحصر يوجد بالطابق الأرضي قاعة مناسبات متعددة الأغراض (أفراح-أعياد ميلاد- حنة رجالي و حريمي-طهور-عزاء-خطوبة- حفلات طلاق و الكثير...) أما الطابق الاول  فهو م...
Post a Comment
Read more