هل هو سعد زغلول؟ أم سعد الصغير؟ أم سعد
لمجرد؟ أم سعد عبد الوهاب (قريب محمد عبد الوهاب)؟
هو مش أي واحد من دول...
بل هو كللللللهم...و لو ليك جد أسمه سعد أو
سعيد أو سعدون أو أبو السعود فهو برضو
كلههههم...
الحج سعد هو الجد الأكبر لجيل الغواصة
الشقية....
و من هنا تبدأ الحكاية....
بعد آذان المغرب بدقائق أعلنت دار الإفتاء
اليوم المتمم لشهر رمضان...
وا ثناء ما الناس كانت بتاكل ....تشققت الأرض
في بعض مراكز العاصمة الكبرى...و بعض مراكز العاصمة الصغرى (بتاعت الأسكندر) و بعض
النقاط الاستراتيجية في البحر الأحمر و المتوسط و خرج من كل الغواصات
فتحتين...فتحة زرقا و فتحة بمبي...الزرقا لشاب السرسجية و البمبي لفتيات التحرش...
و بالنسبة لباقي المحافظات فأرسلت الغواصة
أطباق طائرة صغيرة الحجم (أزرق و بمبي برضو) عشان تنتشر الأسراب في كل الأنحاء
المحيطة بالعاصمتين...
و
حسب تعليمات جدو سعد انتشرت الأسراب في تلت مجاميع:
-
المجموعة الأولى: السرب البمبي...و دول ماشيين ملتزقين و
شابكي الأذرع عشان ده عيد و فرحة و كدة.
-
المجموعة التانية: السرب الأزرق...و دول ماشيين في صورة
دائرية..متفرقين بعض الشيء عشان يحاوطوا السرب البمبي من كل الجهات..و في نفس
الوقت يسيبوا فتحة صغير للهروب...
-
المجموعة التالتة : أسمها الحركي المجموعة الذبابية
...عشان دول بينتشروا في كل مكان ..أفقيا و رأسيا...من فوق لتحت و من تحت لفوق..
و دول عادة من ذوي (المكنة) الطايرة
...تلاقيهم تحت بيتك أو لازقين في ازاز عربيتك أو ازاز أوضتك عادي..المهم ينتشروا
و المجموعة دي شديدة الخطورة لعدة أسباب:
أولا: توغلهم يشمل جميع الأحياء...بداية من
الحسين و مصر القديمة..ناخد صلاح سالم معانا عشان نعدي على مدينة نصر و مصر
الجديدة..و بيوصل بعضهم للتجمعات الجديدة مثل الخامس و التالت...
أما عن العاصمة الصغرى ...فليهم هناك مراكز
توغل مهمة جدا..
بداية من العصافرة و ميامي و سيدي
بشر...مرورًا بشريط البحر كله...توغلا لبعض الأحياء الداخلية مثل كفر عبده و لوران
و طبعا ده جزء من الانتشار المرعب للأسراب دي
،عشان هنحتاج خرائط و مجلدات لشرع مراكز انتشارهم..
و ده
ميمنعش برضو من وجود المجموعة الأولى و التانية-من أبناء غواصات البحر المتوسط -في
كل ما هو بحري..
أما بالنسبة للمواصفات الخارجية و الداخلية و
العضوية للأسراب دي...
فالأسراب الزرقا تتراوح أعمارهم من 13-21 سنة
و تتميز فصائلهم بتنوع الألوان و بريقها في بعض الأحيان ..كمان لازم تكون كلهااااا
بلا استثناء موحدة ...يعني تسمع نفس المزيكا....تلبس من نفس المحل...الوانهم مع
تنوعها بس لازم تكون متناقضة..و أهم صفة فيهم الثقة بالنفس! و طبعا لازم نضيف بعض
الأخلاقيات...زي الشتيمة بصوت عالي رفيع بعض
الشيء عشان يخرم الفضاء الخارجي...و خفة الدم و المرح الدائم و السخرية من
الجميع...و اوعى تفتكر نفسك راقي و ياي و دول بيئة يع....دول مخلوقات مصطفاة من
المصطافيين في المصيف و المشتى و صدقني معاهم فلوس أكتر منك...
أما السرب البمبي فدول حلويات اللليلة..معانا
من الطفولة للمطلقات من جميع الأعمار....جدو سعد أشترط عليهم حجات معينة في
اللبس...
أولا يكون ساتر مش كاشف...و في نفس الوقت
ضيييييييق أوي عشان يساعد على انتشار الأسراب الزرقا
و بعد كتير من الاحتجاجات بداخل الغواصة وافق
جدو سعد على ضم الفساتين لمجموعة البنطلونات الفيزون أهم حاجه يكون تحتها بعض
الملابس الداخلية المرتفعة من الأمام عشان تحجب رؤية البنات و تقدر المجموعة
الزرقا تفرح أكتر..و تنتشر و تتوغل...
ثانيا و الأهم ..أي مجموعة تبقى مكونة من عشر
بنات أو أكتر تكون معاهم واحدة مش محجبة و ده له أسبابه برضوا ، أهمها أن يبقى في
وحدة وطنية و العيد فرحة لينا كلنا و السبب التاني أن يبقى في تنوع شكلي...
المشكلة الصغيرة في السرب البمبي أنهم في بعض
الأحيان لازم يسبقوا بالانتشار..و دول ليهم اتجاه واحد محدد..أي محل كوافير!
نرجع للسؤال الأهم...لماذا جدو سعد و مين هو
أصلا؟
لو هنرجع للمؤرخين ..فبعضهم بيقول أنه موجود
من عهد الأسرة التانيه الفرعونية و أنه الأخ الغير شقيق للملك "حتب سخموي"
و أسمه الأصلي "سعد سخموي"
و في البعض الآخر بيقول أنه موجود من قبل
الفراعنة و أنه أصوله بتعود لرعاة الغنم الجم من شمال أفريقيا...
و السؤال الأهم كان فين قبل عصر الغواصات و
هو لسه عايش و لا مات؟
طبعا جدو سعد موجود و الدليل أحفاده المنشرين
في جميع الأعياد و تنويه ماما صفاء (و لو خدت بالك أسم عيلتها أبو السعود) له في
أغنيتها الشهيرة "أهلا بالعيد"
و الجدير بالذكر أن في بعض المروجين
للاشاعات من أعداء جدو سعد قالوا أن الأغنية كان مقصود فيها كلمة "سعدنا
بيه" و طبعا ده كله كدب في كدب وا نكار لذكريات جدو سعد في جميع أعيادنا و
دوره في جعل" العيد فرحة"
..أما عن نشاطاته ما قبل الغواصات فهي مجهولة
تماما و في بعض المؤرخين بيقولوا أن ده ممكن يرجع سببه لفترة الاحتلال الانجليزي
و أخيرًا و ليس آخرًا جدو سعد ملوش أي علاقة
بالسياسة هو راجل شباب دائم يحب العيد و البمب و الفرفشة...
و أهلا بالعيد!
Comments
Post a Comment